Beki wa Real Madrid Dani Carvajal amesema uwezekano wa kuwasili kwa Kylian Mbappé katika klabu hiyo hautasababisha,kuleta wivu au matatizo mengine kwenye chumba cha kubadilishia nguo.
Mbappé anatarajiwa kujiunga na Madrid wakati mkataba wake na Paris Saint-Germain utakapomalizika msimu huu wa joto, huku ESPN ikiripoti mwezi uliopita kwamba wababe hao wa LaLiga wana matumaini ya kukamilisha makubaliano na mchezaji huyo wa kimataifa wa Ufaransa hivi karibuni.
Mshindi wa Kombe la Dunia atajiunga na safu ya mbele ambayo tayari ina Vinícius Júnior, Jude Bellingham, Rodrygo Goes na Joselu, ambayo imeifanya Madrid kuwa kileleni mwa jedwali la LaLiga na kutinga robo fainali ya Ligi ya Mabingwa.
“Inaonekana kama kuna uwezekano kwamba anaweza kuja mwishoni mwa msimu,” Carvajal aliiambia redio ya COPE Jumanne.
“Wachezaji bora wanapaswa kuchezea Madrid, na yeye ni mmoja wa bora.
“Wivu, hapana,” Carvajal alisema alipoulizwa ikiwa kusajiliwa kwa Mbappé kunaweza kuzua hisia hasi kutoka kwa wachezaji wenzake.
“Ni kwa wale watu ambao wamekaa kwenye kilabu kwa muda mrefu kuhakikisha kuwa kila mtu anaenda sawa kwenye chumba cha kubadilishia nguo.
Top Stories, TZA HABARI
